ممبئی (این این آئی)بولی وڈ میں کنگ خان کے نام سے پہچانے جانے والے شاہ رخ خان سے بہتر کوئی نہیں جانتا کہ اپنی فلم کی مارکیٹنگ کس انداز میں کرنی چاہیے۔شاہ رخ خان نے نئے سال کے موقع پر سماجی رابطے کی ویب سائٹ ٹوئٹر پر ایک ویڈیو شیئر کی، جس میں وہ اپنی آنے والی فلم’’رئیس‘‘ کے اسٹائل میں مداحوں کو ایک پیغام دیتے نظر آئے۔اس ویڈیو میں شاہ رخ خان نے نہایت سنجیدہ انداز میں مداحوں کو سمجھایا کہ وہ نئے سال کا جشن ضرور منائیں لیکن ڈرائیونگ کرتے وقت احتیاط کریں، ساتھ ساتھ شاہ رخ نے اپنی فلم ’’رئیس‘‘ کی تشہیر ایک ہیش ٹگ’’رئیس کی سنو‘‘ کے ذریعے کی۔واضح رہے کہ اعداد و شمار کے مطابق نشے میں گاڑی چلانے سے ہونے والے ہندوستان میں حادثات میں ہر سال ایک لاکھ افراد کی ہلاکت ہو جاتی ہے، جبکہ شاہ رخ خان کو امید ہے کہ اس میں کمی آئے گی۔فلم’’رئیس‘‘ اگلے سال 25 جنوری کو سینما گھروں میں نمائش کے لیے پیش کی جائے گی۔اس فلم میں شاہ رخ خان کے ساتھ ماہرہ خان اور نوازالدین صدیقی مرکزی کردار ادا کرتے نظر آئیں گے۔فلم’’رئیس‘‘ میں شاہ رخ خان نے ایک گجراتی گینگسٹر، ماہرہ خان نے ان کی اہلیہ اور نوازالدین صدیقی نے پولیس اہلکار کا کردار ادا کیا۔

موضوعات:بولی وڈ شاہ رخ خان نئے سال کا جشن