اسلام آباد(مانیٹرنگ ڈیسک) زمانہ ایسا ہی ہے کہ آج شہرت کی بلندیوں پر چمکنے والے ستارے کل کہاں جا چھپیں ؟ کسی کو معلوم نہیں ۔ یہ کوئی ایسی نئی بات نہیں ہے کہ اداکاروں کے ساتھ ہونے والے اس سلوک سے لوگ بے خبر ہوں۔ بلبتوڑی کا کردار نصرت آرا ، روحی بانو ، زکوٹا سمیت ماضی کے کئی کردار اس وقت پستی کی انتہاؤں میں غروب ہو چکے ہیں اور آج کا ان کا کوئی پرسان حال نہیں ۔
یہ تو بات تھی پاکستان کے کچھ فنکاروں کی ۔ ایسا ہی کچھ بھارتی معروف اداکار قادر خان کے ساتھ بھی ہو رہاہے ۔اپنی مزاحیہ اداکاری سے لوگوں کے غموں کو مٹانے والے ، لوگوں میں ہنسی اور خوشیاں بکھیرنے والے قادر خان کا بھی آج کوئی پرسان حال نہیں ۔ آج وہ اس حال میں ہیں کہ کسی کو پہچان بھی نہیں پاتے اور ایک وقت میں ان کے اردگرد مکھیوں کی طرح منڈلانے والا میڈیا بھی ان پاس پھٹکنے کو تیار نہیں۔
بھارتی میڈیا کے مطابق لمبی سفید داڑھی کیساتھ وہیل چیئرپر بیٹھے قادر خان جب ایک تقریب میں پہنچے تو سب ہی انہیں دیکھ کر حیران رہ گئے۔ کافی دنوں سے بیمار قادر خان اتنے لاچار اور بے بس نظر آئے کہ ڈائریکٹر مدھر بھنڈارکر کو بھی پہنچاننے میں ناکام ہو گئے۔ لوگوں کو ہنسانے والے قادر خان انڈسٹری میں زندگی گزارنے کے بعد آج کسی کو پہچان بھی نہیں سکتے۔
