کراچی( آن لائن )معروف اداکار شکیل صدیقی نے اپنی بیٹی رخسار صدیقی کی شادی دیرینہ فنکار دوست رؤ ف لالہ کے بیٹے اسد رؤف سے کردی ، دونوں فنکاروں نے اپنی دوستی کو رشتے داری میں بدل کر نئی نسل کو ایک نئی ر اہ دکھادی۔
تقریب میں عمر شریف ، زریں غزل، شہناز صدیقی،سعود ، سعادت جعفری، سلیم جاوید، شہزاد عالم، سفیر بٹ، ذاکر مستانہ ، سلیم آفریدی ، شہنی عظیم، ماریہ خان، خادم حسین اچوی، روحی صنم، روفی انعم ،شائنزے ، عاشق احمد، صمد جان، پرویز صدیقی، صفدر ضیا، سدرہ جبار، محمود شہزاد، عزیز وارثی، طارق ، ولی شیخ سمیت تھیٹر ، فلم ، ٹی وی کے فنکاروں ، سول ، سرکاری ، نجی اداروں سے وابستہ شخصیات نے بھی شرکت کی۔
اداکار عمر شریف ، شکیل صدیقی، پرویز صدیقی و دیگر رشتہ داروں نے رخسار صدیقی کو اپنی دعاؤں کیساتھ رخصت کیا۔ اس موقع پر فنکاروں نے شکیل صدیقی اور رؤف لالہ کو مبارکباد دیتے ہوئے کہا کہ فنکاروں کا آپس میں رشتے داری کا آغاز خوش آئند امر ہے۔

موضوعات:شکیل صدیقی