جے پور(آئی این پی) راکھی ساونت پر نریندر مودی کی تصاویر والا لباس پہننا مہنگا پڑ گیا ، بڑی مشکل سر پر آن پڑی ,بالی ووڈ آئٹم گرل راکھی ساونت پر نریندر مودی کی تصاویر والا لباس پہننے پر مقدمہ درج کرلیا گیا۔ بالی ووڈ اداکارہ راکھی ساونت شہ سرخیوں میں جگہ بنانے کا فن خوب جانتی ہیں یہی وجہ ہے کبھی متنازع بیان تو کبھی اداکارہ سنی لیون پر تنقید کرنے سے باز نہیں آتی ہیں لیکن اب اداکارہ کو ایسی ہی حرکت مہنگی پڑگئی ہے۔بھارتی میڈیا کے مطابق ریاست راجھستان کی عدالت نے شہری کی درخواست پر اداکارہ راکھی ساونت پر وزیر اعظم نریندر مودی کی توہین کرنے پر مقدمہ درج کرنے کا حکم دیا ہے جس کے بعد مقامی تھانے میں ایف آئی آر بھی درج کرلی گئی ہے۔
واضح رہے کہ اس سے قبل بولی وڈ میں تنازعات کی زد میں رہنے والی آئٹم گرل راکھی ساونت نے حال ہی میں اداکار پرتیوشا بینرجی کی خودکشی کے بعد ہندوستانی وزیر اعظم نریندر مودی سے ‘چھت کے پنکھوں’ پر پابندی عائد کرنے کا مطالبہ کردیا۔واضح رہے کہ مقبول ہندوستانی ڈرامہ ’بالیکا ودھو‘ سے شہرت پانے والی اداکارہ پرتیوشا بینرجی نے یکم اپریل کو ممبئی میں اپنے گھر میں پنکھے سے لٹک کر خودکشی کرلی تھی جس کی وجہ ان کا اپنے بوائے فرینڈ سے خراب تعلقات کے باعث ڈپریشن میں مبتلا ہونا بتائی گئی۔آئی بی این لائیو کی ایک رپورٹ کے مطابق راکھی ساونت جو اداکارہ پرتیوشا کی قریبی دوست بھی تھیں، نے حال ہی میں ممبئی میں ایک پریس کانفرنس منعقد کی جس میں انہوں نے ہندوستانی وزیر اعظم نریندر مودی سے ملک میں موجود تمام چھت کے پنکھوں پر پابندی عائد کرنے کا مطالبہ کردیا۔راکھی کا کہنا تھا ’میں چاہتی ہوں گھر گھر سے چھت کے پنکھے ہٹادیئے جائیں، کیوں کہ ان ہی سے لٹک کر بہو بیٹیاں خودکشی کر رہی ہیں، میں وزیراعظم مودی سے درخواست کرتی ہوں کہ وہ ان پنکھوں پر پابندی عائد کریں‘۔راکھی نے عوام سے بھی درخواست کی کہ جو بھائی اپنی بہن سے پیار کرتا ہے یا جو ماں اپنی بیٹی سے پیار کرتی ہے وہ اس پنکھے کو اپنے گھر سے ہٹا دے۔راکھی نے چھت کے پنکھوں کو ہٹا کر ٹیبل پر رکھنے والے پنکھوں (ٹیبل فین) اور اے سی لگانے کا بھی مشورہ دے ڈالا۔