ممبئی(آن لائن)مقبوضہ کشمیر میں بھارتی بربریت کے خلاف پاکستان نے آوازکیا بلند کی توجہاں مودی سرکار آپے سے باہر ہوگئی تو وہیں دوسری جانب انتہا پسند ہندووں نے پاکستانی فنکاروں کو 48 گھنٹے میں بھارت چھوڑنے کی دھمکی دے دی ہے۔اڑی واقعے کے بعد جہاں ایک طرف بھارت ہاتھ دھوکر پاکستان کے پیچھے پڑگیا ہے تو وہیں دوسری جانب ہندوانتہا پسند بھی بالی ووڈ میں کام کرنے والے پاکستانی فن کاروں چھوڑنے پر تیار نہیں اورایسا ہی ہوا ریاست مہاراشٹرا میں جہاں ممبئی میں بھارت کی فلم انڈسٹری بالی ووڈ واقع ہے۔مہاراشٹرا کی ہندو انتہاپسند جماعت نرونیمن نے پاکستانی فنکاروں کو 48 گھنٹے میں ملک چھوڑنے کی دھمکی دیتے ہوئے کہا کہ اگرانہوں نے بھارت نہ چھوڑا تو سنگین نتائج بھکتنے کے لئے تیار ہوجائیں۔
جن فنکاروں کوبھارت چھوڑنے کی دھمکی دی گئ ہے ان میں فواد خان ،علی ظفراورماہرہ خان سمیت کچھ دیگرفنکارشامل ہیں جبکہ ادھر پاکستانی فلم ایکٹر ان لاء میں اداکاری کے جوہر دکھانے والے اوم پوری بھارتی رویے پر پھٹ پڑے ۔ کنگ خان بھی فواد خان کی حمایت میں میدان میں آگئے ۔ شاہ رخ خان نے کہا فواد خان پر کیچڑ نہ اچھالی جائے ۔ پاکستانی اداکار کو سیاسی تناؤ کا شکار نہ بنایا جائے ۔ پاکستانی اداکار فواد خان بالی وڈ فلم اے دل ہے مشکل اور رات باقی میں اداکاری کے جوہر دکھا رہے ہیں جبکہ ماہرہ خان فلم رئیس کی شوٹنگ میں مصروف ہیں ۔