کرینہ کپور کو ایک ساتھ دو بڑی خوشخبریاں ،ہر طرف سے مبارک باد

ممبئی (آئی این پی)بالی ووڈ کی صف اول کی اداکارہ کرینہ کپورخان 36برس کی ہوگئیں،وہ 21ستمبر 1980کو ممبئی میں بالی ووڈ کے نامور کپور خاندان میں پیدا ہوئیں۔2012ء میں16اکتوبر کو پٹودی کے نواب اور بالی ووڈ اداکار سیف علی خان کیساتھ ازداوجی بندھن میں منسلک ہونے والی کرینہ کپور خان عرف بیبوجہاں ایک جانب اپنی سالگرہ منارہی ہیں، وہیں اْن کی شادی کی سالگرہ اور ننھے مہمان کی آمد کی تیاریاں بھی زور و شور سے جاری ہیں۔کرینہ کپور خان نے بالی ووڈ میں اپنا پہلا قدم 2000ء میں فلم ’رفیوجی‘ کے ذریعے رکھا، جس میں ان کی کارکردگی کو

ناقدین نے خوب سراہا۔2001میں فلم ’مجھے کچھ کہنا ہے‘ سے باکس ا?فس پر بے پناہ کامیابی سمیٹنے والی کرینہ نے اجنبی، اشوکا، کبھی خوشی کبھی غم، چمیلی، دیو، اومکارہ، جب وی میٹ، گول مال، تھری ایڈیٹس، باڈی گارڈ، را ون اورہیروئن سمیت مختلف فلموں میں بہترین اداکاری کا مظاہرہ کرتے ہوئے کئی ایوارڈز اپنے نام کیے۔سلمان خان کی فلم دبنگ ٹو کیلئے کرینہ کپور خان کے آئٹم سونگ ’فیویکول سے‘ نے جہاں انہیں گزشتہ سال بہترین آئٹم سونگ اور بہترین آئٹم گرل کا خطاب دلوایا وہیں اْن کی پولیٹیکل تھرلر فلم ستیا گرہ نے بھی باکس آفس پر شاندار برنس کیا۔