ممبئی( مانیٹرنگ ڈیسک) بالی ووڈ اداکار سنجے دت جنہوں نے اپنے پورے کرئیر میں منفرد قسم کے کردار ادا کیے اور مداحوں سے خوب داد بھی سمیٹی جب کہ جیل سے رہائی کے بعد ان کے مداحوں کی جانب سے خاصی امیدیں باندھی گئیں تھیں جو اب پوری ہوتی نظر نہیں آرہی ہیں۔بھارتی میڈیا رپورٹس کے مطابق بالی ووڈ انڈسٹری میں پسند کیے جانے والے اداکارسنجے دت نے متعدد بلاک بسٹر فلمیں دی اور مختلف قسم کے کردارنبھا کر خوب نام کما یا اور مداحوں سے خوب داد بھی سمیٹی تاہم سنجے دت کے 1993 میں ممبئی حملوں اورغیر
قانونی اسلحہ رکھنے کے جرم میں ساڑھے 3 سال قید کاٹ کر رہائی کے بعد ان کے مداحوں کی جانب سے ان کی فلموں میں انٹری کے حوالے شدت سے انتظار کیا جارہا تھا جو تاحال ممکن نہ ہوسکا۔اداکارکی رہائی کو 6 ماہ بیت گئے لیکن ان کی کسی بھی فلم کی شوٹنگ کا آغاز نہیں کیا گیا جب کہ ان کی فلم ‘‘مارکو بھاؤ’’ کی کہانی پر بھی ابھی کام جاری ہے جب کہ ‘‘منا بھائی 3 کے حوالے سے بھی تاحال کچھ نہیں کیا گیا کیونکہ فلم کے ہدایتکار ‘‘راج کمار ہیرانی’’ اداکار کی زندگی پر مبنی فلم میں مصروف ہیں جس میں سنجو بابا کا مرکزی کا کردار رنبیر کپور ادا کرتے نظر آئینگے۔۔#/s#