لاہور(مانیٹرنگ ڈیسک)معروف گلوکار شوکت علی علاج معالجے کے بعد ابوظہبی سے وطن واپس پہنچ گئے۔ شوکت علی امریکا جا رہے تھے کہ دوران سفر طبعیت کی خرابی کے باعث انہیں علاج کیلئے ابوظہبی رکنا پڑا۔لاہورائیرپورٹ پر میڈیا سے بات چیت کرتے ہوئے گلوکار شوکت علی نے کہا کہ اللہ نے نئی زندگی دی ہے آخری دم تک پاکستان کا نام دنیا بھر میں روشن کرتارہونگا۔گلوکار شوکت علی کنسرٹ میں شرکت کیلئے براستہ ابو ظہبی امریکہ جارہے تھے کہ اچانک ابوظہبی ائیر پورٹ ان کی طبعیت خراب ہو گئی اور انہیں مقامی ہسپتال منتقل کر دیا گیا جہاں ان کی انجیوگرافی کی گئی۔ وہ ابوظہبی کے اسپتال میں زیر علاج رہے۔ طبعت بحال ہونے پر شوکت علی پی آئی اے کی پرواز پی کے ٹو سکس فور کے ذریعے لاہور واپس پہنچے۔لاہور ائیرپورٹ پر میڈیا سے گفتگو کرتے ہوئے ان کا کہنا تھا کہ امجد صابری اور عبدالستار ایدھی کی وفات بہت بڑا نقصان ہے۔ انہوں نے کہا کہ اللہ کی رحمت سے ان کو نئی زندگی ملی ہے اور وہ آخری دم تک پاکستان کا نام دنیا بھر میں روشن کرتے رہے ہیں۔