اسلام آباد(مانیٹرنگ ڈیسک) بھارتی اداکارہ راکھی ساونت نے ماڈل قندیل بلوچ کے قتل پر دکھ کا اظہار کرتے ہوئے کہا ہے یہ بہت ہی شرمناک بات ہے کہ بیٹی کو کہیں پر بھی نہیں جینے دیا جاتا ۔
نجی ٹی وی سے گفتگو کرتے ہوئے راکھی ساونت نے کہا کہ ”بیچاری قندیل بلوچ کا کیا قصور تھا؟وہ ایکٹریس اور ماڈل بننا چاہتی تھی، بگ باس میں آنا چاہتی تھی ، ہیروئن بننا چاہتی تھی۔ ہر لڑکی پائلٹ نہیں بن سکتی، ہر لڑکی سیاستدان نہیں بن سکتی، میں خدا پر یقین رکھتی ہوں جس نے ہر کسی کو الگ الگ صلاحیتوں سے نوازا ہے۔ ہر شخص کا جینے کا طریقہ ہوتا الگ ہوتا ہے اور قندیل کا جینے کا طریقہ بھی الگ تھا۔“
پولیس نے قندیل بلوچ کے والد اور والدہ کے بیان کی روشنی میں مقدمہ درج کر لیا ہے۔متنازعہ ماڈل واداکارہ قندیل بلوچ کے والد نے بیا ن دیتے ہو ئے کہا کہ میر ے بیٹے نے قند یل کو غیر ت کے نا م پر قتل نہیں کیا بلکہ پیسو ں کے لا لچ میں آکر بہن کو قتل کیا ہے والد نے یہ دعوی پو لیس کو ایف آئی آر درج کر واتے ہو ئے کیا تھا کہ بیٹے نے پیسو ں کے لا لچ میں قتل کیا ہے ۔
قندیل بلوچ کے والد کے مطابق وہ اپنی بیوی اور بیٹے کے ہمراہ چھت پر سو رہے تھے کہ وسیم نے قندیل بلوچ کو قتل کر دیا اور نقدی اور موبائل کے ہمراہ فرار ہو گیا۔ قندیل کے والد عظیم نے کہا کہ میں جب سو کر اٹھا اور نیچے آیا تو اس وقت 10 بج چکے تھے۔ قندیل بلوچ کو جگایا گیا تو وہ نہ جاگی ۔ چیک کرنے پر پتہ چلا کہ وہ مر چکی ہے۔ قندیل بلوچ چاند رات سے نواحی علاقہ مظفر گڑھ میں مقیم تھیں۔معروف ماڈل و اداکارہ قندیل بلوچ کے قتل کی خبر ملک بھر میں جنگل کی آگ کی طرح پھیل گئی۔