ملتان (این این آئی) سوشل میڈیا سے شہرت پانے والی ماڈل قندیل بلوچ کے قتل کا مقدمہ درج کر لیا گیا ۔ نجی ٹی وی کے مطابق یہ مقدمہ قندیل بلوچ کے بھائی وسیم اور اسلم شاہین کے خلاف درج کیا گیارپورٹ کے مطابق قندیل بلوچ کے والد نے الزام عائد کیا کہ وسیم نے بڑے بھائی کے کہنے پر قندیل کو قتل کیا۔ پولیس نے قندیل بلوچ کے والد محمد عظیم اور والدہ کے بیان کی روشنی میں مقدمہ درج کر لیا ۔ ایس پی کینٹ سیف اللہ خٹک نے بتایا کہ مقدمہ نمبر439میں قتل کی دفعہ302لگائی گئی ہے ۔ملزم وسیم کی گرفتاری اور اس کی تفتیش میں اگر دیگر افراد جوکہ اس کے ہمراہی ہوسکتے ہیں کے نام بھی آنے پرمقدمہ میں شامل کیے جائیں گے۔