ممبئی(مانیٹرنگ ڈیسک ) بالی ووڈ کی مشہور اداکارہ پریانکا چوپڑا کی ہم شکل لڑکی نوپریت بنگا کی تصاویر نے سوشل میڈیا پر دھوم مچادی ہے۔بالی ووڈ اداکارہ پریانکا چوپڑا کی ہم شکل لڑکی نوپریت بنگا کی تصاویر نے اداکارہ کے مداحوں کو چکرا کر رکھ دیا ہے۔ چندی گڑھ سے تعلق رکھنے والی لڑکی نوپریت نے سوشل میڈیا پراپنی تصاویر شیئر کیں تو اداکارہ سے مماثلت کی ایک نئی بحث کا آغاز ہوگیا۔نو پریت بنگا نے اداکارہ پریانکا چوپڑا کے مختلف انداز میں اپنی تصاویرانسٹا گرام پر شیئرکیں تو اداکارہ کے مداحوں نے حیرانی کا اظہار کیا اور پریانکا سے بالکل مماثلت پراپنی رائے دی۔ نوپریت بنگا نے فلم ’’باجی راؤ مستانی‘‘ میں پریانکا کے کردار ’’کاشی بائی‘‘ کا روپ دھار کربھی تصویر انسٹا گرام پر پوسٹ کی۔دوسری جانب نوپریت بنگا کا کہنا تھا کہ پریانکا چوپڑا سے کافی مماثلت رکھتی ہوں اور فلموں میں اداکارہ کی جگہ کام کرسکتی ہوں جب کہ امریکی ٹی وی سیریل ’’کوانٹیکو‘‘ میں بھی کام کرنے کو تیار ہوں۔