نئی دہلی(مانیٹرنگ ڈیسک) بالی ووڈ اداکار سدھارتھ ملہوترا کا ہے جو آج کل بھارتی فلموں کی ’’باربی ڈول‘‘کترینہ کیف کی زلفوں کے اسیر نظر آتے ہیں ،ملہوترا ستمبر میں ریلیز ہونے والی اپنی نئی فلم ’’بار بار دیکھو ‘‘ کی ہیروئین کترینہ کی تعریفیں کرتے ہوئے نہیں تھکتے ۔کہتے ہیں کہ ’’عشق اور مشک ‘‘ چھپائے نہیں چھپتےبھارتی نجی چینل کے مطابق سدھارتھ ملہوترا آج کل ہر جگہ کترینہ کیف کی تعریفیں کرتے نہیں تھکتے ،ان کا کہنا ہے کہ کترینہ اپنے کام کے حوالے سے بہت سنجیدہ ہوتی ہیں اور وہ اپنے ہر پراجیکٹ کو بڑی سنجیدگی سے لیتی اور اپنے کردار میں پوری طرح ڈوب جاتی ہیں ۔
بالی ووڈ کے31سالہ اداکار سدھارتھ ملہوترا کا کہنا تھا کہ اپنی لک کو بہتر بنانے اور خوب سے خوب تر نظر آنے کے لئے کترینہ کیف جم میں بڑی سخت ایکسرسائز کرتی اور بہت سارا پسینہ بہاتی ہیں ۔جب ملہوترا سے سوال کیا گیا کہ ان کا نئی آنے والی فلم ’’بار بار دیکھو ‘‘ میں کترینہ کیف کے ساتھ کام کرنے کا تجربہ کیسا رہا تو ان کا کہنا تھا کہ ہم جم میں ایک دوسرے کے ساتھ بہت موج مستی کرتے تھے،کترینہ ہمیشہ فلم کی شوٹنگ اور اپنے کام میں بہتری لانے کے لئے تیار رہتی ہیں،اس کے ساتھ انہیں کام کر کے بہت اچھا لگا ہے ۔