ممبئی(نیوز ڈیسک)سلمان خان کی فلم ”بجرنگی بھائی جان“ میں کمسن لڑکی کا کردار کر کے دلوں میں گھر کرنے والی بے بی اداکارہ ہرشالی ملہوترا سے متعلق پتہ چلا ہے کہ اس کو بالی ووڈ فلم ” فتور“ میں اداکارہ کترینہ کیف کے بچپن کا کردار ادا کرنے کی آفر ہوئی تھی مگر اس نے انکار کردیا تھا۔فلم سازوں نے جب اس کردار سے متعلق ہرشالی کی والدہ سے بات کی تو اس نے موقف اپنایا کہ مختصر کردار ان کی بیٹی ہرشالی کے لیے اچھے نہیں ہیں اور یہ کہ وہ اپنی بیٹی کو اوور ایکسپوز نہیں کرنا چاہتی۔ دلچسپ بات یہ ہے کہ فلم ”پریم رتن دھن پایو“ میں بھی بالکل اسی طرح کے ایک کردار کی پیشکش ہوئی تھی تب بھی ہرشالی کی والدہ نے اسے مسترد کر دیا تھا۔