ممبئی(نیوز ڈیسک)بالی ووڈ میں اپنے بے باک مناظر کی عکس بندی کے حوالے سے مشہور اداکارہ سنی لیون ایک بار پھر دبنگ سپر اسٹار سلمان خان کے رئیلٹی شو”بگ باس 9“ میں پہنچ گئیں جہاں وہ اپنی فلم مستی زادے کی پروموشن کرتی نظرآئیں گی۔بالی ووڈ اداکارہ سنی لیون نے اپنے فلمی کیرئیر کا آغاز 2012 میں ریلیز ہونے والی فلم ”جسم 2“سے کیا جس کے بعد متعدد فلموں میں اداکاری کے جوہر دکھائے لیکن انہیں شہرت فلم انڈسٹری میں ا?نے سے پہلے دبنگ سلمان خان کے مشہور رئیلٹی شو”بگ باس“ سے حاصل ہوئی تاہم اب ایک بار پھر سنی لیون رئیلٹی شو بگ باس پہنچ گئی ہیں۔بالی ووڈ اداکارہ سنی لیون اپنی نئی آنے والی فلم ”مستی زادے“ کی تشہیر کے لیے سلمان خان کے رئیلٹی شو”بگ باس 9“ پہنچیں جہاں وہ سلمان خان کے ساتھ فلم کی تشہیر کرتی نظرآئیں گی جب کہ اداکارہ نے سماجی رابطے کی ویب سائٹ ٹوئٹر پر ” بگ باس 9 “ ہاو¿س جانے کے لیے اپنی بیتابی کا اظہار بھی کیا۔واضح رہے کہ بالی ووڈ اداکارہ کی فلم ”مستی زادے“ پر سنسر بورڈ کی جانب سے اعتراضات کے باعث نمائش روک دی گئی تھی تاہم اب فلم 29 جنوری کو ریلیز کی جائے گی۔