اسلام آباد (نیوز ڈیسک )با لی ووڈ فلم انڈسٹری کے سابق جوڑے دیپکا پڈکون، رنبیر کپور اور انوشکا شرما ، رنویر سنگھ ماضی کی یادوں کو فراموش کر کے اپنی نئی آنے والی فلموں میں ایک ساتھ کام کر رہے ہیں۔ تاہم ماضی کی معروف جوڑی سلمان خان اور ایشوریا رائے تاحال اپنے تلخ ماضی سے چمٹے ہوئے ہیں۔اگرچہ دونوں اپنی اپنی زندگی میں مصروف عمل ہیں تاہم ماضی کی یادیں آج بھی ان کے ساتھ ہیں۔جیسے کہ ہم جانتے ہیں حسینہ عالم ایشوریا رائے کی نئی فلم ”جذبہ “ آج نمائش کیلئے پیش کی جا رہی ہے۔ حالیہ انٹرویو کے دوران اداکارہ نے بتایا کہ سنجے لیلا بھنسالی نے اپنی فلم ”بجراﺅ مستانی“ میں مستانی کے کردارکیلئے سب سے پہلے انھیں پیشکش کی تھی۔لیکن چونکہ سنجے لیلا بھنسالی سلمان خان کو بجراﺅکے کردار کی پیشکش کر چکے تھے۔ 41سالہ اداکارہ کا کہنا تھا کہ اگر سنجے لیلا سلمان خان کو بجراﺅ کے کردار کی پیشکش نہ کرتے تووہ لازماً اس آفر کو قبول کر لیتیں۔علاوہ ازیں سننے میں یہ بھی آیا ہے کہ سنجے لیلا بھنسالی کاشی بائی کے کردار کیلئے رانی مکھر جی کو لینا چاہتے تھے۔ نتیجتاً بجراﺅ مستانی دو محبت کرنے والوں دیپکا اور رنویر سنگھ کو قریب لانے میں کامیاب ہو گئی۔