اسلام آباد (نیوز ڈیسک )بولی وڈ اداکار سلمان خان ایک مشہور انڈین ملبوسات کے برانڈ ایمبیسڈر تھے جن کی جگہ اب نوازالدین صدیقی نے لے لی ہے۔نوازالدین صدیقی کو بولی وڈ سنیما میں اپنی صحیح جگہ حاصل کرنے میں پورے 12 سال لگ گئے جس کے بعد آج انہیں ان کی اداکاری کے لیے کافی پسند کیا جارہا ہے۔بولی وڈ کے بڑے بڑے اداکاروں کے ساتھ نظر آنے کے باوجود نوازالدین کی اداکاری کو سراہا جاتا ہے۔ٹائمز آف انڈیا کے مطابق نوازالدین صدیقی نے ایک مقبول ملبوسات برینڈ کے برانڈ ایمبیسڈر بننے کے لیے سلمان خان کی جگہ لی -سلمان کی جگہ لینے کی کوئی صحیح وجہ تو سامنے نہیں آئی البتہ ایک ملبوسات کے برانڈ میں سپر اسٹار سلمان کی جگہ لینا نوازالدین کے لیے بڑی کامیابی سے کم نہیں۔یاد رہے کہ اس سال کی کامیاب ریلیز فلم ’بجرنگی بھائی جان‘ میں سلمان خان کے ساتھ نوازالدین صدیقی نے اہم کردار ادا کیا تھا۔