اسلام آباد (نیوز ڈیسک)عامر خان ان اداکاروں میں سے ایک ہیں جن کی فلم کی ہیروئن بننا ادکارہ کا خواب ہوتا ہے۔ پی کے کی ریکارڈ توڑ کامیابی کے بعد عامر اب اپنی نئی فلم ”دنگل “ کی تیاریوں میں مصروف ہو گئے ہیں جس کے لیے ہیروئن کی تلاش زور و شور سے جاری ہے۔ نیتش تیواری کی ہدایتکاری میں بنائے جانے والی اس فلم میں عامر کی بہن کے کردار کے لیے کنگنا راناوت کو لئے جانے کی خبر سننے میں آئی تھی مگر گنگنا نے اس خبر کی تردید کرتے ہوئے کہا انہیں ایسی کوئی پیشکش نہیں ہوئی ہے۔ اب اس کردار کے لیے ایک نیا نام سننے میں آیا ہے یہ نام ہے تاپسی پنو کا۔ اس بات پر جب تاپسی سے پوچھا گیا تو انہوں نے کہا ” یہ میرے ”خیر خواہوں کی اڑائی ہوئی خبر ہے “ حالانکہ مجھے اس فلم کی پیش کش نہیں ہوئی ہے۔ میں اپنے یہی خواہوں کا شکریہ ادا کرنا چاہتی ہوں مگر یہ خبر میں نے خود پہلی بار سنی ہے۔ ذرائع کے مطابق تاپسی سے اب تک رابطہ قائم نہیں کیا گیا مگر دنگل کے لیے 4ہیروئنوں کے نام زیر غور ہیں جن میں ایک تاپسی کا نام ہے۔ یہ خبر صحیح ہے یا غلط اس بات کا فیصلہ مارچ کے اوآخر میں ضرور ہو جائے گا کیونکہ اس وقت دنگل سیٹ پر جانے والی ہے۔