کراچی (این این آئی) عالمی شہرت یافتہ کمپنی بی اے ایس ایف (BASF)نے اعلیٰ کوالٹی کی کنکریٹ تیار کرنے والے ماہرین کیلئے مارکیٹ میں خصوصی اسمارٹ فون ایپلیکیشن مائی کنکریٹ MyConcreteمتعارف کرادی ہے۔ اس ایپلیکیشن میں کنکریٹ کی تیاری اور خصوصیات کے بارے میں تمام معلومات دستیاب ہوں گی۔ٹھیکیداروں، انجینئروں، فنِ تعمیر کے ماہرین اور کنکریٹ بنانے والوں کیلئے
مفت دستیاب اس ایپلیکیشن MyConcrete میں کنکریٹ کے استعمال اور تیاری کے بنیادی حصوں کے بارے میں تمام معلومات کو یکجا کیا گیا ہے۔جس سے یہ ماہرین تیاری کے مرحلے میں بی اے ایس ایف کے کنکریٹ کے بارے میں معلومات سے استفادہ کرسکیں گے۔یہ ایپلیکیشن ڈیزائن اور کانسیپٹ، کنکریٹ کے پھیلاؤ، ہوا ، فنشنگ اور درکار وقت کے بارے میں سوالات کے جوابات فراہم کرنے کے ساتھ ساتھ کنکریٹ تیار کرنے والوں کو بی اے ایس ایف کی مصنوعات کے بارے میں معلومات فراہم کرتی ہے۔یہ ایپلیکیشن کنکریٹ کے تازہ مرکب کے درجہ حرارت اورکنکریٹ کے سکڑنے کے عمل کو جانچنے کیلئے Surface Evaporation Calculatorاور Concrete Temperatureپر مشتمل ہے جس سے ماہرین کو کنکریٹ پر ماحول کے اثرات کو سمجھنے میں مدد ملے گی۔Concrete Temperatureمیں مقامی موسمی حالات کوGPSکے ذریعے سمجھاجاسکتا ہے۔اس موقع پربی اے ایس ایف (BASF)کے ڈائریکٹرایڈ مکسچرایشیا پیسیفک وشواناتھ مہادیوان نے کہا کہ MyConcreteایپلیکیشن ہاتھ میں پکڑے ہوئے معلوماتی کتابچہ کی طرح ہے۔ہم چاہتے ہیں کہ جب ہمارے صارفین کو کسی معلومات کی ضرورت پڑے تو وہ اس ایپلیکیشن کے ذریعے اس معلومات کو حاصل کرسکیں۔اپنے موبائل میں موجود اسMyConcrete کو استعمال کرتے ہوئے صارفین ہماری مصنوعات کے بارے میں رسائی حاصل کرسکیں گے جو انہیں بہترنتائج فراہم کرسکتی ہے۔بی اے ایس ایف کا تعمیراتی کیمیکل ڈویژن ماسٹر بلڈرز سلوشنز کے نام سے اسٹرکچر کی تعمیرات، مینٹننس،رپیئر اور رینوویشن کیلئے اعلیٰ درجے کی کیمیکل حل فراہم کرتا ہے۔ یہ برانڈ تعمیراتی صنعت میں 100سال سے زائد کے تجربے سے بنایاگیا ہے۔ ماحولیاتی تحفظ اور سماجی
ذمہ داری کے ساتھ اقتصادی کامیابی کو یکجا کرتے ہوئے بی اے ایس ایف پائیدار مستقبل کیلئے کمیسٹری تخلیق کرتی ہے۔ بی اے ایس ایف کے 12200ملازمین تقریباً دنیا کے ہر ملک کے تما م شعبوں میں صارفین کی کامیابی میں اپنا کردار ادا کررہے ہیں۔ ہمارا پورٹ فولیو 6حصوں کیمیکلز، میٹریلز، انڈسٹریل سلوشنز
سرفس ٹیکنالوجیز، غذائیت اور تحفظ اور زرعی سلوشنزپر مشتمل ہے۔ بی اے ایس ایف نے 2018ء میں تقریباً63ارب یورو کی سیلز کی تھی۔ بی اے ایس ایف کے شیئرز فرینک فرٹ بی اے ایس ، لندن بی ایف اے اور زیورخ بی اے ایس میں رجسٹرڈ ہیں۔ مزید معلومات www.basf.comپر دستیاب ہیں۔
