ہفتہ‬‮ ، 05 اپریل‬‮ 2025 

دنیا کا پہلا 5 کیمروں والا اسمارٹ فون متعارف کرا دیا گیا

datetime 5  اکتوبر‬‮  2018
ہمارا واٹس ایپ چینل جوائن کریں

نیویارک(مانیٹرنگ ڈیسک) دنیا کا پہلا ایسا اسمارٹ فون متعارف کرا دیا ہے جس میں مجموعی طور پر 5 کیمرے دیئے گئے ہیں۔ نیویارک میں ایک ایونٹ کے دوران ایل جی نے اپنا نیا فلیگ شپ فون وی 40 متعارف کرایا جو کہ پہلا فون ہے جس میں آگے اور پیچھے مجموعی طور پر 5 کیمرے دیئے گئے ہیں۔ ابھی مارکیٹ میں 4 کیمروں والے فون تو دستیاب ہیں مگر وی 40 پہلا فون ہے۔

جس کے بیک پر 3 جبکہ فرنٹ پر 2 کیمرے دیئے گئے ہیں۔ یہ ہے دنیا کا پہلا 5 کیمروں والا اسمارٹ فون اس فون میں 6.4 انچ کا لگ بھگ بیزل لیس ڈسپلے دیا گیا ہے جبکہ اوپری حصے میں آئی فون ایکس جیسا نوچ موجود ہے، تاہم صارف چاہے تو اسے ہائیڈ کرسکتا ہے۔  اس میں آڈیو کے لیے بلٹ ان ڈی اے سی دیا گیا ہے جو کہ ہیڈفونز کے لیے آواز کو بہتر کرے گا۔ فون میں گوگل اسسٹنٹ کا بٹن بھی دیا گیا ہے جس سے آپ ریمائنڈر، موسم جاننے اور چند دیگر دوسرے کام یعنی وائیڈ اینگل کیمرے سے تصویر لینا وغیرہ کرسکتے ہیں۔ یہ فون آئی پی 68 واٹر ریزیزٹنس ریٹنگ رکھتا ہے اور کمپنی کے مطابق ایک میٹر پانی میں آدھے گھنٹے تک رہنے پر بھی اسے کوئی فرق نہیں پڑے گا۔ ایل جی نے اس فون میں ہیڈفون جیک کو برقرار رکھا ہے اور صارفین کو ڈونگل یا بلیوٹوتھ سے کنکٹ کرکے ہیڈفون استعمال کرنے کی تکلیف کا سامنا نہیں ہوگا۔ ایل جی نے اس میں اسنیپ ڈراگون 845 پراسیسر دیا ہے اور کمپنی کے مطابق یہ سابقہ ماڈل کے مقابلے زیادہ تیز ہے۔ بینچ مارک میں وی 40 نے سام سنگ کے گلیکسی نوٹ 9 جتنا اسکور ہی حاصل کیا ہے تاہم یہ دونوں فونز اس معاملے میں آئی فون ایکس ایس میکس سے پیچھے ہیں۔ اس فون میں 3300 ایم اے ایچ بیٹری، سکس جی بی ریم اور 64 جی بی اسٹوریج دی گئی ہے، تاہم ایس ڈی کارڈ سے اسے 2 ٹی بی تک بڑھایا جاسکتا ہے۔ اس کے بیک پر 12 میگا پکسل کا اسٹینڈرڈ لینس آپٹیکل امیج اسٹیبلائزیشن کے ساتھ ہے، دوسرا کیمرہ 16 میگا پکسل وائیڈ اینگل لینس اور تیسرا ٹیلی فوٹو 12 میگا پکسل کیمرہ ہے جس میں 2x زوم دیا گیا ہے۔ کمپنی کے مطابق وائیڈ اینگل لینس سے آپ ہر فریم میں زیادہ مواد فٹ کرکے تصویر لے سکتے ہیں جبکہ ٹیلی فوٹو لینس زومنگ کے ساتھ ساتھ دھندلے پس منظر والی تصاویر لینے میں مدد دیتا ہے۔

فون کے فرنٹ پر 5 اور 8 میگا پکسل پر مشتمل ڈوئل کیمرہ سیٹ اپ ہے جو کہ پورٹریٹ تصاویر لینے کے ساتھ پس منظر کو صارف کی پسند کے مطابق دھندلا کرنے میں مدد دیتا ہے۔ ایل جی کیمروں میں گوگل لینس کو بھی شامل کیا ہے تاکہ اشیاءاور مقامات کی شناخت کرسکے جبکہ اے آئی فیچرز بھی کیمروں کا حصہ بنائیں گئے ہیں۔ اس فون کی قیمت 900 ڈالرز (ایک لاکھ پاکستانی روپے کے قریب) سے شروع ہوگی جبکہ یہ اکتوبر کے وسط میں مختلف ممالک میں فروخت کے لیے پیش کیا جائے گا۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…