امریکہ(سی ایم لنکس)دنیا کی سب سے بڑی سرچ انجن ویب سائٹ گوگل بیس سال کا ہوگیا ہے۔ اس موقع پر گوگل کی انتظامیہ نے خصوصی اینیمیٹڈ ویڈیو ڈوڈل پیش کیا ہے۔ دور جدید میں انسان کسی بھی چیز کی معلومات حاصل کرنے کے لیے گوگل کا محتاج ہے، یہی وجہ ہے کہ گوگل کو دو دہائیوں سے بے شمار صارفین استعمال کر رہے ہیں۔گوگل کو آفیشل طور پر چار ستمبر انیس سو اٹھانوے کو متعارف کیا گیا تھا لیکن کمپنی کی جانب سے اس کی سالگرہ ہر سال ستائیس ستمبر

کو منائی جاتی ہے۔ گوگل نے پنے ڈوڈل کو اینیمیٹد ویڈیو میں تبدیل کیا ہے، جس میں انگریزی حروف کے غبارے بنائے گئے ہیں۔واضح رہے کہ گوگل کا آغاز اسٹینڈ فورڈ یونیورسٹی کے دو طلبا لیری پیج اور سرگی برن نے کیا تھا، جن کا مقصد ایک ایسا سسٹم تیار کرنا تھا جس سے لوگوں کو باآسانی ہر چیز کی معلومات حاصل ہوسکیں۔گوگل اس وقت ایک سو پچاس زائد سے زیادہ زبانوں اور ایک سو نوے سے زائد ممالک میں استعمال کیا جانے والا واحد سرچ انجن ہے۔