برلن(مانیٹرنگ ڈیسک)  80 اور 90 کی دہائی میں سیاحتی مقامات پر فوٹوگرافر پولورائڈ کیمروں کے ساتھ گھومتے تھے اور پیسے لے کر اسی وقت تصویر کھینچ کر دے دیتے تھے ، جسے گزشتہ سال ڈیجیٹل شکل بھی دی گئی تھی۔ پولورائڈ ون اسٹیپ 2 نامی اس ڈیجیٹل کیمرے کو اب اپ ڈیٹ کرکے ون اسٹیپ پلس کے نام اور نئے فیچرز کے ساتھ متعارف کرایا گیا ہے۔ برلن میں جاری آئی ایف اے ٹیکنالوجی نمائش کے دوران اس نئے کیمرے کو متعارف کرایا گیا جس میں بلیوٹوتھ، 2 لینسز، ایک نئی فلیش اور بڑی بیٹری کا اضافہ کیا گیا ہے۔ ان تبدیلیوں سے یہ کیمرہ کچھ زیادہ ماڈرن ہوگیا ہے مگر اس کی ماضی کی شکل برقرار رکھی گئی ہے۔

سب سے بڑی تبدیلی بلیوٹوتھ کا اضافہ ہے، اگرچہ اس سے فوٹوگرافر اپنی تصاویر ڈیجیٹلی ٹرانسفر تو نہیں کرسکتے مگر بلیوٹوتھ سے انہیں اپنے فون کو بطور ریموٹ استعمال کرنے کی سہولت ملے گی۔ ون اسٹیپ پلس اینڈرائیڈ اور آئی او ایس ایپ میں مختلف موڈز کو بھی شامل کیا گیا ہے جو کہ صارفین کے لیے ڈبل ایکسپوزر سیٹ ایپ یا مینوئل ایڈجسٹمنٹ کو آسان بنادیتا ہے۔ اسی طرح لائٹ پرنٹنگ موڈ بھی دیا گیا ہے جبکہ موائز ٹریگر موڈ سے کیمرہ اس وقت خودکار طور پر تصویر لے پاتا ہے۔ اس کیمرے میں مائیکرو فون تو نہیں مگر صارف کے فون مائیک سے آڈیو لی جاسکتی ہے۔ اس کیمرے کو 160 ڈالرز میں فروخت کے لیے پیش کیا جائے گا۔

موضوعات:پولورائڈ کیمرہ