اسلام آباد (نیوز ڈیسک) پاکستانی آباد ی کا ساٹھ فیصد سے زائد نوجوان ہیں اگر ان کی صلاحیتوں کو بھر پور طریقے سے استعمال کیا جائے تو پاکستان کا شمار دنیا کے ترقی پذیر ممالک میں ہوگا مگر بدقسمتی سے مناسب اور بروقت کرئر کونسلنگ نہ ہونے کے باعث نوجوان اپنے میلان اور رجحان کے مطابق پیشے کا انتخاب نہیں کر پاتے ۔جب طلبہ اپنے طبعی رجحانات اور آدرشوں کے مطابق اپنے پیشے کا انتخاب نہیں کر پاتے تو وہ اپنی صلاحیتوں کو سنوار اور نکھار نہیں پاتے یوں ملک و قوم نوجوانوں کی صلاحیتوں سے استفادہ نہیں کر پاتے۔ اس حقیقت کا ادراک کرتے ہوئے

کم وسیلہ مگر با صلاحیت طلٰبہ کو اعلیٰ تعلیم کے لیے مالی اعانت فراہم کرنے والے ادارے کاروان علم فاونڈیشن نے نوجوانوں کو پیشہ ورانہ زندگی کی بلا معاوضہ رہنمائی دینے کے لیے www.careerkarwan.comکے عنوان سے ویب سائیٹ جاری کی ہے ۔اس ویب سائیٹ پر زیر تعلیم اور پیشہ ورانہ زندگی میں ترقی کے خواہش مند نوجوانوں کے لیے نہ صرف پیشہ ورانہ زندگی میں مواقع سے آگاہ کیا جاتا ہے بلکہ مختلف موضوعات پر تحریری اور ویڈیو کی صورت میں مفید موادبھی دستیاب ہے تا کہ قوم کا جوہر قابل تعمیر وطن کے قابل بنایا جا سکے۔

موضوعات:کاروان علم فاونڈیشن