اسلام آباد (مانیٹرنگ ڈیسک) اکتوبر میں زمین ختم ہو جائے گی، متنازع امریکی مصنف کے دعویٰ نے دنیا بھر میں تشویش کی لہر دوڑا دی۔ تفصیلات کے مطابق مریکا سے تعلق رکھنے والے ایک متنازع مصنف ڈیوڈ میڈے

نے دعویٰ کیا ہے کہ ہماری دنیا کا خاتمہ اکتوبر میں یعنی اگلے ماہ ہونے والا ہےکیونکہ نیبریو نامی ایک سیارہ تیزی سے ہماری زمین کی جانب بڑھ رہا ہے پلانٹ ایکس دی 2017ء ارائیول کے مصنف کے مطابق یہ سیارہ ساخت میں بالکل سورج کی طرح بڑا ہے اور زمین کے قطب جنوبی کی جانب آ رہا ہے۔امریکی متنازع مصنف کے دعوے کی تائید کرنے والوں کا دعویٰ ہے کہ کشش ثقل کے زیر اثر نیبریو نے سینکڑوں برس پہلے دیگر سیاروں کے مداروں کو منتشر کر دیا تھا۔ ڈیوڈ میڈے کا دعویٰ ہے کہ یہ سیارہ رواں سال اکتوبر میں زمین سے ٹکرائے گا۔ تاہم ان کا کہنا ہے کہ یہ سیارہ زمین کے کس حصے سے ٹکرائے گا، اس کے مقام کا تعین کرنا مشکل ہے۔دوسری جانب سائنسی کمیونٹی نیبریو کے وجود کو تسلیم نہیں کرتی، اس سے قبل امریکی خلائی ایجنسی ناسا بھی باور کرا چکی ہے کہ نیبریو کی اور اس جیسے دیگر سیاروں سے متعلق تمام باتیں انٹرنیٹ پر پھیلی ہوئی دلچسپ کہانیوں سے زیادہ کچھ نہیں ہیں۔

موضوعات:ڈیوڈ میڈے ناسا نیبریو سیارہ