اسلام آباد(آن لائن)ہواوے کنزیومر بزنس گروپ کی جانب سے رواں برس اپریل میں متعارف کرائے گئے اسمارٹ فون پی9کی فروخت نئے ریکارڈز قائم کررہی ہے اور کمپنی نے محض سات ماہ میں 9ملین پی 9کی فروخت کا نیا ریکارڈ قائم کردیا ہے ۔دنیا بھر میں اسمارٹ فونز کی تیاری میں تیسری بڑی کمپنی مانی جانے والی ہواوے کمپنی نے محض ستمبر کے مہینے میں
پی9کے چھ ملین سے زائد یونٹس فروخت کئے جبکہ اکتوبر اور نومبر کے مہینوں میں مزید تین ملین پی 9کی فروخت کی گئی۔

ہواوے پی9کی اس شاندار کامیابی اور فروخت کے نئے ریکارڈ کا جشن منانے کیلئے چین کے شہر Shenzhen, میں ایک رنگا رنگ تقریب کا انعقاد کیا گیا جہاں ہواوے کی گلوبل برانڈ ایمبسیڈر Scarlett Johansson نے اپنے سینکڑوں مداحوں کے ہمراہ شرکت کی،اس موقع پر Scarlett Johanssنے ہواوے پی9کے استعمال سے متعلق اپنے تجربات سے آگاہ کیا اور پی9کے کیمرے کی خاص طور پر تعریف کی ، Scarlett Johansson نے ہواوے پی 9کی اشتہاری مہم میں فلم مین آس اسٹیل کے معروف اداکار Henry Cavill اور مایہ ناز فیشن فوٹو گرافر Mario Testino کے ساتھ کام کرنے کے تجربے کو انتہائی خوشگوار قرار دیا.