اسلام آباد( مانیٹرنگ ڈیسک) یو ٹیوب پر عجیب و غریب ویڈیوز بنانے والا ہالی ووڈ کا ڈائریکٹر بن گیا۔ یوٹیوب پر اپلوڈ کی گئی ڈھائی منٹ کی ویڈیو نے سینڈبرگ کی زندگی بدل دی۔
فلم ’’لائٹ آوٹ‘‘ میں ڈائریکٹر سینڈبرگ کی بیوی کوریڈور کی لائٹ بند کرتی ہے تو اسے ایکپرچھائی نظر آتی ہے، لائٹ آن کرنے پر یہ پرچھائی غائب ہوجاتی ہے۔ وہ جتنی بار لائٹ بند کرتی ہیپرچھائی قریب ہوتی چلی جاتی ہے۔اس مختصر فلم کے مناظر کو اتنی مہارت سے عکس بند کیا گیا کہ یوٹیوب پر اس کو لاکھوں افراد نے پسند کیا جس کے باعث اس فلم نے ہالی ووڈ کی توجہ حاصل کرلی۔میڈیا سے بات کرتے ہوئے فلم کے ڈائریکٹر سینڈبرگ کا کہنا تھا کہ انہیں ہالی ووڈ کی جانب سے موصول ہونے والی پیشکش پر بہت خوشی ہے۔