لندن (نیوزڈیسک) بھارت،چین اورامریکہ،2060 ء میں کیا ہونے والا ہے؟برطانوی ادارے کی رپورٹ نے دنیامیں کھلبلی مچادی،برطانیہ کے ایک ادارے نے کہا ہے کہ 2060 تک دنیا کے مختلف ساحلی شہروں میں ماحولیاتی تبدیلیوں کے باعث تباہ کن سیلاب سے ایک ارب کے قریب لوگ متاثر ہوں گے۔برطانوی امدادی ادارے کرسچین ایڈ کے مطابق کاربن سے سب سے زیادہ آلودہ تین ممالک امریکا، چین اور بھارت کو خطرہ ہے اور انہیں ماحولیاتی آلودگی کے سبب سمندر کی سطح میں اضافے، طوفانوں اور انتہائی سخت موسموں کا سامنا ہوسکتا ہے۔ادارے کے مطابق بھارت کے ڈھائی کروڑ آبادی والے شہر کولکتہ اور ممبئی انتہائی خطرے کا شکار ہیں۔ادارے کی فہرست کے مطابق انتہائی خطرے کا شکار سات شہر ایشیا میں ہیں ٗ امریکی شہر میامی آٹھویں نمبر پر ہے۔ادارے نے حکومتوں سے مطالبہ کیا ہے کہ وہ عالمی حدت میں کمی کے لیے اقدامات کریں اور قدرتی آفات سے نمٹنے کے لیے منصوبے بنائیں۔