لاہور (این این آئی)لاہور میں ایک شہری کے نام پر 2ہزار 354موٹرسائیکلیں، رکشے اور گاڑیاں رجسٹرڈ ہونے کا انکشاف ہوا ہے۔

ترجمان ٹریفک پولیس کے مطابق ہال روڈ پر جنرل ہولڈ اپ کے دوران نمبر پلیٹوں میں ردوبدل کی جانچ پڑتال کرتے ہوئے ایک موٹرسائیکل کی ملکیت چیک کی گئی تو معلوم ہوا کہ محمد عثمان نامی شہری کے نام پر 2ہزار 354 گاڑیاں رجسٹرڈ ہیں۔

موٹرسائیکل کو تھانہ قلعہ گجر سنگھ میں بند کردیا گیا ہے جبکہ اصل مالک کی تلاش کے لیے سیف سٹی حکام کو آگاہ کردیا گیا،ان گاڑیوں پر 2ہزار 813ای چالان جاری ہوچکے ہیں جبکہ جرمانوں کی مد میں 28 لاکھ 66 ہزار 900 روپے واجب الادا ہیں۔