بہاولنگر(این این آئی) پانچ مسلح کار سواروں نے 2 لڑکیوں کو گن پوائنٹ پر اغوا کر لیا۔پولیس کے مطابق واقعہ چک نادر شاہ میں پیش آیا،

مزاحمت پر فائرنگ سے 2 نوجوان زخمی ہوگئے جنہیں ڈسٹرکٹ ہسپتال منتقل کر دیا گیا ہے، زخمیوں میں عبدالجبار اور جبرو شامل ہیں۔حکام کے مطابق مغویوں میں 16 سالہ نادیہ اور 17 سالہ رانی بی بی شامل ہیں، اطلاع ملنے پر پولیس موقع پر پہنچی جبکہ ملزمان فائرنگ کرتے ہوئے لڑکیوں کو اغواء کر کے موقع سے فرار ہوگئے۔پولیس کے مطابق صدر پولیس نے زخمی نوجوان کی مدعیت میں کارروائی کا آغاز کر دیا، پولیس کی جانب سے تاحال ملزمان کی تلاش جاری ہے۔