برمنگھم(این این آئی) قومی شناختی کارڈ بنانے اور دیگر شناختی دستاویز کی تیاری کیلئے نادرا نے برطانیہ میں موبائل رجسٹریشن ڈرائیو کا آغاز کرے گا۔بیرون ملک مقیم پاکستانیوں کیلئے اس مہم کا باضابطہ آغاز (آج)ہفتہ سے ہوگا۔اتھارٹی کے اس اقدام کا مقصد بیرون ملک مقیم پاکستانیوں کو ضروری شناختی خدمات فراہم کرنا ہے، موبائل رجسٹریشن برٹن آن ٹرینٹ، برمنگھم اور بریڈ فورڈ، ڈونکاسٹر کے مقام پر عوام کی سہولت کیلیے موجود ہوگی۔اس دوران پاکستانی شہری اپنے کمپیوٹرائزڈ قومی شناختی کارڈ ، نیکوپ نیز فیملی رجسٹریشن سرٹیفکیٹ کی تجدید اور درج کروا سکیں گے۔
نادرا نے شرکاء کو ہدایت دی ہے کہ وہ اپنے پرانے شناختی کارڈ یا ب فارم ہمراہ لائیں تاکہ کارروائی جلد مکمل ہوسکے۔ادارے نے بتایاکہ خواتین کی سہولت کیلئے علیحدہ کاؤنٹر اور خواتین عملہ موجود ہوگا۔ نیز نادرا نے شرکاء کو پاک آئی ڈی ایپ کے استعمال کی ترغیب دی ہے جس سے رجسٹریشن کے معاملات میں مزید آسانی میسر آئے گی۔ سرکاری ملازمت کی درخواست بھی جمع کروانے کی بھی سہولت ممکن ہو گی۔نادرا کے متعلق مزید معلومات اور اپ ڈیٹس کیلئے شہری نادرا سرکاری ویب سائٹ یا واٹس ایپ چینل وزٹ کر سکتے ہیں جبکہ شکایات ان لائن پورٹل میں جمع کروائی جا سکتی ہے۔
