اسلام آباد (این این آئی)آئندہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہنے کا امکان ہے، پنجاب، بالائی سندھ اور خیبرپختونخوا کے میدانی علاقوں میں درمیانی سے شدید دھند متوقع ہے۔ خطہ پوٹھوہار اور کشمیر میں صبح کے اوقات میں چند مقامات پر کہرا پڑنے کا امکان ہے۔محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ بالائی علاقوں میں شدید سرد رہا۔

پنجاب، زیریں خیبر پختونحوا اور بالائی سندھ کے بیشتر اضلاع میں درمیانی سے شدید دھند چھائی رہی جبکہ خطہ پوٹھوہار اور کشمیر میں چند مقامات پر کہرا پڑا۔بدھ کو ریکارڈ کئے گئے کم سے کم درجہ حرارت : لہہ منفی13، استور، زیارت منفی09، قلات منفی08، کالام ، سکردومنفی07، ہنزہ منفی06، نتھیا گلی ،گوپس منفی05، کو ئٹہ اوردیر میں منفی 04 ڈگری سینٹی گریڈ ریکارڈ کیا گیا۔