لاڑکانہ (این این آئی)چانڈکا اسپتال میں پسند کی شادی پر میاں بیوی کو قتل کردیا۔تفصیلات کے مطابق لاڑکانہ میں پسند کی شادی خونی داستان بن گئی، مسلح ملزمان نے چانڈکا اسپتال میں زیرِ علاج ریحانہ اور اس کے شوہر پر ایک بار پھر حملہ کر دیا، دونوں میاں بیوی جاں بحق ہو گئے۔پولیس حکام کے مطابق پسند کی شادی پر میاں بیوی کو قتل کیا گیا، ریحانہ نے مرنے سے پہلے حملہ آور کو زخمی کر دیا مقتولہ ریحانہ پرگزشتہ روز بھی حملہ کیا گیا تھا جس میں وہ ٹانگ میں گولی لگنے سے زخمی ہو کر چانڈکا اسپتال لاڑکانہ کے آرتھوپیڈک وارڈ میں داخل تھی۔
جمعرات کواسپتال میں دوبارہ حملہ ہوا تو ریحانہ نے بہادری دکھاتے ہوئے شوہر کے پاس موجود پستول سے جوابی فائرنگ کی اور ایک حملہ آور بھانجے کو زخمی کر دیا جبکہ دیگر فرار ہو گئے۔پولیس کے مطابق واقعہ کاروکاری کا نتیجہ ہے، لاشیں ٹراما سینٹر منتقل کر دی گئیں، ملزمان کی تلاش جاری ہے جلد گرفتار کرلیا جائے گا۔پولیس حکام کے مطابق زخمی خاتون کی شناخت ساجدہ شیخ کے نام سے ہوئی جس کی حالت تشویشناک ہے جبکہ مقتولین کا تعلق قمبر کے نواحی گائوں بہرام سے تھا انہوں نے حال ہی میں پسند کی شادی کی تھی، جوڑے کوقتل کرنیوالا مقتولین کا بھانجہ تھا۔
