صوابی (این این آئی)موضع مرغز میں نصیحت کی باتوں پر طیش میں آکر بیٹے نے فائرنگ کردی ،باپ معجزانہ طور پر بچ گیا ،گولی لگنے سے بہن جاں بحق ہو گئی جبکہ مینئی چوک کے مقام پر حادثات میں ایک شخص جاں بحق جبکہ تین شدید زخمی ہوگئے ۔
پولیس تھانہ زیدہ میں ایف آئی آر درج کراتے ہوئے نذد محمد سکنہ مرغز اکاخیل نے بتایا کہ وہ اپنی 28 سالہ بیٹی سمیت اہل خانہ کے ہمراہ اپنے گھر میں موجود تھے اس موقع پر وہ اپنے بیٹے عاقب احمد جو کہ نافرمان ہے کو نصیحت کر رہے تھے کہ اچانک وہ طیش میں آگیا اور پستول نکال کر مجھ پر قتل کے ارادے سے فائرنگ کی لیکن وہ معجزانہ طور پر بال بال بچ گئے جبکہ درمیان میں کھڑی بیٹی عاقب احمد کی فائرنگ سے گولی لگ جانے سے موقع پر جاں بحق ہو گئی ، وجہ عناد والد کے نصیحت والی باتوں میں طیش آنا بیان کی گئی ، دریں اثنا صوابی ، ٹوپی روڈ پر مینئی چوک کے مقام پر موٹر سائیکلوں کی الگ الگ حادثات میں 35 سالہ محمد زمان سکنہ تکیل گدون امازئی جاں بحق جبکہ 60 سالہ علی یار ، 29 سالہ عمران اور 9 سالہ حلال شدید زخمی ہوگئے ، ریسکیو کی میڈیکل ٹیم نے موقع پر پہنچ کر زخمیوں کو طبی امداد فراہم کرنے کے بعد لاش سمیت ہسپتال منتقل کر دیا ۔
