حجرہ شاہ مقیم (این این آئی )جواں سالہ گھریلو ملازمائوں پر نازیبا ویڈیوز بنوانے کا الزام،بھائی اور دیور نے گولیاں مار کر موت کے گھاٹ اتار دیں،دونوں گرفتار ،مقدمہ درج۔تفصیلا ت کے مطابق نواحی گاؤں کھرل کلاں میں غیرت کے نام پر دو خواتین کو فائرنگ کر کے قتل کر دیا گیا۔ پولیس کے مطابق شمائلہ بی بی اور سدرہ بی بی کو بدکرداری کے شبہ پر ان کے بھائی اور دیور نے گولیاں مار کر قتل کیا۔
مقتولہ شمائلہ، ملزم محمد احمد کی ہمشیرہ جبکہ سدرہ، محمد بخش کی بھابی تھی۔ پولیس ذرائع سے ابتدائی معلومات کے مطابق دونوں خواتین لاہور میں گھریلو ملازمت کرتی تھیں اور چھ روز قبل واپس لائی گئی تھیںجن پر بدکرداری اور نازیبا ویڈیوز بنانے کا الزام لگایا گیا۔ پولیس نے دونوں مرکزی ملزمان کو گرفتار کر کے اسلحہ برآمد کر لیا ہے۔تھانہ حجرہ شاہ مقیم میں مقدمہ درج کر لیا گیا ہے۔ ڈی پی او اوکاڑہ راشد ہدایت نے یقین دہانی کرائی ہے کہ ملزمان کو قانون کے مطابق سزا دلوائی جائے گی۔ پولیس مزید تفتیش جاری رکھے ہوئے ہے۔
