اسلام آباد (نیوز ڈیسک)لودھراں میں ایک نوجوان نے فصلوں کے لیے کھاد اور سپرے کے بہانے گھر والوں سے رقم لی لیکن طویل وقت گزرنے کے باوجود جب واپس نہ آیا تو اہل خانہ پریشان ہو گئے۔
نوجوان کو گرمی برداشت نہ ہوئی تو اُس نے زرعی کام کے بجائے دوستوں کے ساتھ مری جانے کا فیصلہ کیا اور چپکے سے سیر و تفریح کو نکل گیا۔ اہل خانہ نے ابتدائی طور پر خود تلاش کیا مگر جب کوئی پتہ نہ چلا تو پولیس کو اطلاع دی گئی۔پولیس نے تفتیش کا آغاز کرتے ہوئے نوجوان کا سراغ لگایا تو انکشاف ہوا کہ نوجوان اس وقت مری میں اپنے دوستوں کے ہمراہ سیر و تفریح کر رہا ہے۔پولیس حکام کے مطابق نوجوان خیریت سے ہے اور جلد گھر واپس پہنچے گا۔ اہل خانہ نے پولیس کا شکریہ ادا کیا، مگر ساتھ ہی نوجوان کی غیر ذمہ داری پر ناراضی کا اظہار بھی کیا۔
لودھراں کا نوجوان گھر والوں سے فصلوں کیلئے اسپرے اور کھاد کے پیسے لے کر گیا مگر واپس نہ آیا 🙆🏻♂️
گھر والے انتظار کرتے رہے اور پولیس کو اطلاع دی جس پر پولیس نے تفتیش شروع کر دی ✅
پولیس نے بندہ ڈھونڈا تو پتا چلا کہ پیسے لے کر دوستوں کے ساتھ مری گھومنے نکل گیا تھا کیونکہ گرمی تھی 😂 pic.twitter.com/KlxfWgNY7i— GHQ 111 Brigade™️ (@Move111Forward) May 31, 2025
