اسلام آباد(این این آئی)بھارتی آبی جارجیت کے بعد چین نے مہمندڈیم پرکام تیزکردیا۔ذرائع کے مطابق چینی اخبار نے بتایا کہ چین پاکستان کا پانی بند کرنے کی بھارتی دھمکیوں پر پاکستان کے فلیگ شپ ڈیم پر کام تیز کررہا ہے، اس سلسلے ڈیم پر کنکریٹ بھرنا شروع کردیا گیا ہے، جو اس منصوبے کی تکمیل کیلئے اہم سنگ میل کی حیثیت رکھتا ہے۔

چین خیبرپختونخواہ میں مہمند ہائیڈرو پاور پراجیکٹ پر کام کررہا ہے ، اس منصوبہ کو اگلے سال مکمل ہونا ہے۔یہ ایک اندازے کے مطابق 800میگاواٹ پن بجلی پیدا کرے گا اور صوبہ خیبر پختونخوا کے دارالحکومت اور سب سے بڑے شہر پشاور کو یومیہ 300 ملین گیلن پینے کا پانی فراہم کرے گا۔چین اور پاکستان صنعتی ترقی، زراعت اور لوگوں کی زندگیوں میں بہتری کے لیے پرعزم منصوبوں پر بھی کوششیں تیز کر رہے ہیں۔دیامر بھاشا ڈیم اور پاور پراجیکٹ، جسے پاکستانی عوام نے تین گھاٹیوں پراجیکٹ کا نام دیا ہے، دونوں ممالک کے درمیان دو طرفہ تعاون کی کئی کوششوں میں سے ایک ہے۔

چین نے یہ اقدام بھارت کی جانب سے پاکستان کا پانی بند کرنے کی دھمکی کے بعد کیا۔ چینی اخبار کے مطابق ڈیم پر کنکریٹ بھرنے کاکام شروع کردیا گیا ہے، جو اس منصوبے کی تکمیل کیلئے اہم سنگ میل کی حیثیت رکھتا ہے۔ایک اندازے کے مطابق اس ڈیم سے آٹھ سو میگاواٹ پن بجلی پیدا ہوگی اور پشاور کو یومیہ تین سو ملین گیلن پینے کا پانی ملے گا ۔