لاہور(این این آئی)پنجاب بھرمیں مستحق طلبہ و طالبات کو 10ہزارمفت ای بائیکس دینے کافیصلہ کیا گیا۔90شاہراہ قائد اعظم پرزکوة وعشرکونسل کی سب کمیٹی اجلاس کا انعقاد کیا گیا،معاون خصوصی وزیر اعلی پنجاب راشد اقبال نصر اللہ نے اجلاس کی صدارت کی۔

اجلاس میں سینیٹر ڈاکٹر غوث محمد خان نیازی،پارلیمانی سیکرٹری برائے زکو ةوعشر زبیر احمد ،ممبران صوبائی اسمبلی ،ایڈمنسٹریٹر زکو ةوعشر پنجاب اور محکمہ کے دیگر افسرا ن نے شرکت کی ۔اجلاس میں متفقہ طورپرفیصلہ کیاگیاکہ مستحقین زکو ة کوفری ای بائیکس دئیے یجائیں گے۔معاون خصوصی راشد اقبال نصر اللہ نے کہا کہ پہلے مرحلے میں 2ہزاربائیکس دی جائیں گی،ای بائیکس کی فراہمی کا منصوبہ وزیر اعلی پنجاب کی ہدایات پر شروع کر رہے ہیں۔