لاہور( این این آئی)پنجاب ڈیزاسٹر مینجمنٹ اتھارٹی نے 20اپریل تک پنجاب کے مختلف اضلاع میں ہلکی بارشوں، ہوائوں اور جھکڑ چلنے کی پیشگوئی کی ہے ۔ڈائریکٹر جنرل پی ڈی ایم اے عرفان علی کاٹھیا نے ضلعی انتظامیہ کو الرٹ رہنے کی ہدایات جاری کر دی ہیں۔

الرٹ میں کہا گیاہے کہ راولپنڈی ،مری ،گلیات،اٹک چکوال میں آندھی اور بارشوں کی پیشگوئی ہے، جہلم اور منڈی بہائوالدین میں آندھی اور بارشوں کی پیشگوئی ہے۔گجرات ،گجرانوالہ، سیالکوٹ ، نارووال میں بارشوں کی پیشگوئی ہے، خوشاب،سرگودھا اورمیانوالی میں بارش کیامکانات ہیں ،لاہور ،قصور ،فیصل آباداور جھنگ میں بھی بارش اور طوفان کی پیشگوئی ہے۔ڈی جی پی ڈی ایم اے نے کہا کہ بدھ کے روز آندھی و طوفان کے باعث 9شہری جاں بحق اور 5زخمی ہوئے، آسمانی بجلی گرنے سے لیہ اور کوٹ ادو میں 2 اموات ہوئیں جبکہ ایک گائے بھی ہلاک ہوئی، طوفان کے باعث 2 گھروں کو جزوی نقصان پہنچا۔عرفان علی کاٹھیا نے مزید کہا کہ حکومت پنجاب کی پالیسی کے مطابق متاثرہ خاندانوں کو مالی معاونت فراہم کی جائے گی۔