اسلام آباد (این این آئی)ملک میں ماہ شعبان کا چاند نظر آ گیا، یکم شعبان (آج) بروز جمعہ ہوگئی جبکہ شب برات 13فروری بروز جمعرات منائی جائیگی۔شعبان المعظم 1446 ہجری کا چاند دیکھنے کیلئے اجلاس مرکزی رویت ہلال کمیٹی کے چیئرمین مولانا محمد عبدالخبیر آزاد کی زیر صدارت ہوا۔چیئرمین رویت ہلال کمیٹی نے ماہ شعبان کا چاند نظر آنے کا اعلان کرتے ہوئے کہا کہ شب برت 13فروری بروز جمعرات ہوگی۔

خیال رہے کہ شعبان المعظم آٹھواں اسلامی مہینہ ہے جس کے بعد مسلمانوں کیلئے انتہائی مقدس مہینے ماہ رمضان المبارک کا آغاز ہوتا ہے۔دنیا بھر کے مسلمان ماہ رمضان المبارک میں روزے رکھتے ہیں جو خالق کا قرب حاصل کرنے کا بہترین ذریعہ ہے۔