لاہور ( این این آئی)وزیراعلی پنجاب مریم نواز شریف کے پنجاب دھی رانی پروگرام کی ملتان میں تقریب منعقد ہوئی جس میں 51جوڑوں کی اجتماعی شادیوں کا اہتمام کیا گیا۔تقریب کے مہمان خصوصی صوبائی وزیر مواصلات و قانون پنجاب ملک صہیب احمد بھرتھ تھے جبکہ صوبائی وزیر سوشل ویلفیئر و بیت المال پنجاب سہیل شوکت بٹ، ممبر صوبائی اسمبلی سلمان نعیم ، ایم پی اے محمد نازک کریم لانگ، ایم پی اے محمد لعل خان جوئیہ، مسلم لیگ (ن) کے رہنمائوں، سیکرٹری سوشل ویلفیئر و بیت المال پنجاب جاوید اختر محمود ، کمشنر ملتان ڈویژن عامر کریم خاں، ڈپٹی کمشنر محمد علی بخاری اور دولہا دلہن کے عزیز اقارب کی بھی شرکت کی۔ تقریب میں صوبائی وزرا نے نوبیاہتا جوڑوں کو وزیر اعلی پنجاب مریم نواز شریف کی طرف مبارکباد دی اور نیک خواہشات کا اظہار کیا گیا۔وزیراعلی پنجاب مریم نواز شریف کی طرف دھی رانی سلامی کارڈز بھی دیئے گئے ۔

سلامی کارڈ کے ذریعے نوبیاہتا جوڑوں کو ایک لاکھ روپے سلامی دی گئی ۔جبکہ وزیر اعلی پنجاب مریم نواز کی طرف سے اجتماعی شادی کے تمام جوڑوں کو ڈبل بیڈ ، میٹرس، شیشہ، ڈنر سیٹ، کھانا پکانے کا سامان، پنکھا اور دیگر سامان کے تحائف بھی دئیے گئے اور دعائے خیر بھی کرائی گئی تقریب میں ایک مسیحی جوڑے نے بھی شرکت۔کی۔اس موقع پر صوباء وزیر ملک صہیب احمد بھرتھ نے کہا کہ وزیراعلی پنجاب مریم نواز شریف کا وژن عوام کی خدمت کرنا ہے.پنجاب دھی رانی پروگرام وزیراعلی پنجاب مریم نواز کے عوامی خدمت کے جزبہ کی عکاسی ہے،خون کے رشتوں سے احساس کے رشتے بڑے ہوتے ہیں۔اللہ تعالی نے احساس کا رشتہ وزیراعلی مریم نواز شریف کو دیا ہے۔

وزیراعلی پنجاب مریم نواز شریف ہر کام میرٹ پر کر رہی ہیں،وزیراعلی پنجاب مریم نواز اللہ تعالی کی رضا کے لیے یہ کام کر رہی ہے، اس اجر اللہ دے گا۔صوبائی وزیر مواصلات و قانو ن نے کہا کہ وزیراعلی پنجاب مریم نواز نے آپ سب کو سلام اور مبارک باد دی ہے۔صوبائی وزیر سوشل ویلفیئر و بیت المال پنجاب سہیل شوکت بٹ نے کہا کہ پنجاب دھی رانی پروگرام وزیراعلی پنجاب مریم نواز شریف کا ایک تاریخی اقدام ہے ۔ اس پروگرام کو تاریخ میں ہمیشہ یاد رکھا جائے گا. وزیراعلی مریم نواز شریف پنجاب کی بیٹیوں کے لیے ماں کا کردار ادا کر رہی ہیں۔والدین اپنی بیٹیوں کا شرعی فریضہ پورا کر رہے ہیں وزیراعلی پنجاب ان بیٹیوں کے ساتھ ماں کی طرح کھڑی ہیں۔تقریب میں دولہا دلہن اور تقریب کے شرکا کے لئے ظہرانہ کا اہتمام بھی کیا گیا۔اس موقع پر خوبصورت سرائیکی جھومر بھی پیش کیا گیا۔