لاہور( این این آئی) مناواں میں چور سعودیہ پلیٹ شہری کے گھر سے2کروڑ 24لاکھ روپے کا صفایا کرگئے ۔ایف آئی آر کے متن کے مطابق ابوبکر بلاک کا رہائشی چند روز قبل سعودیہ عرب سے واپس آیاتھا ، عتیق الرحمان اپنے رشتہ داروں کے گھر سیالکوٹ فیملی کے ہمراہ دعوت پرگیا ہوا تھا کہ اس دوران چور گھر سے 50تولے سونا ،راڈو گھڑیاں، قیمتی موبائل فونز اور نقدی چوری کرکے فرار ہو گئے ۔

چور گھر کی الماریوں کے تالے توڑ کر 2کروڑ 24لاکھ روپے کی نقدی طلائی زیورات اور دیگر سامان چوری کرکے لے گئے ۔پولیس نے عتیق الرحمان کی درخواست پر نامعلوم چوروں کے خلاف مقدمہ درج کرلیا ۔پولیس کا کہنا ہے کہ چوروں کا سراغ لگانے کے لیے ٹیمیں تشکیل دے دی گئی ہیں۔