اسلام آباد (این این آئی) رہنماء پی ٹی آئی عمر ایوب نے کہا ہے کہ مجھ پر قاتلانہ حملہ کیا گیا، ڈی چوک احتجاج پر فیکٹ فائنڈنگ کمیٹی بنائی جائے۔میڈیا سے گفتگو کرتے ہوئے عمر ایوب نے کہا کہ ہمارے خلاف جعلی کیسز بنائے گئے ہیں، ہمارے خلاف موٹر سائیکل چوری کے کیسز تک بنا دیے گئے۔

انہوں نے کہا کہ علی امین گنڈا پور کو خراجِ تحسین پیش کرتا ہوں کہ وہ ایک گھنٹے بھی نہیں سوئے۔انہوں نے کہا کہ پر امن احتجاج کے سامنے رکاوٹیں کھڑی کی گئیں، چیف جسٹس سے گزارش ہے کہ فیکٹ فائنڈنگ کمیٹی بنائیں۔