کرم (این این آئی)کرم میں فائرنگ واقعات میں مزید 30افراد جاں بحق ،50زخمی ہو گئے تین روز کے دوران فائرنگ کے مختلف واقعات میں 75افراد جاں بحق 80زخمی ہو گئے ہیں ۔پولیس اور ہسپتال ذرائع کے مطابق ضلع کرم میں گزشتہ رات سے فائرنگ کے تازہ واقعات میں مختلف علاقوں بگن ، علیزئی بالشخیل ، خار کلے ، مقبل اور کنج علیزئی میں فائرنگ کے واقعات ہوئے ہیں جس کے نتیجے میں اب تک فریقین کے 30افراد جاں بحق اور50زخمی ہو گئے ہیں ،

تین روز کے دوران مسافر گاڑیوں فائرنگ اور دوسرے علاقے میں فائرنگ کی تازہ واقعات کے نتیجے میں مجموعی طور پر 75افراد جاں بحق اور 80زخمی ہو ئے ہیں جبکہ گھروں اور دکانوں کو بھی نقصان پہنچا ہے دو روز قبل لوئر کرم کے علاقے میں پاراچنار سے تعلق رکھنے. والے گاڑیوں پر اوچت اور مندوری میں فائرنگ کی گئی تھی جس میں 45 افراد مارے گئے تھے اس واقعے کے بعد علاقے میں ایک بار پھر امن و امان کی فضا خراب ہو گئی ہے۔