لاہور ( این این آئی) ارب پتی چور کی گرفتاری کے معاملے میں اہم پیشرفت، ملزم نے سابق قومی کرکٹر عبدالرزاق کے گھر میں بھی چوری کا انکشاف کیا ہے۔کرکٹر عبدالرزاق کی رہائش گاہ ڈیفنس میں 11برس قبل چوری کی واردات ہوئی تھی جس میں ملزم انکے گھر سے 88لاکھ روپے، امریکی ڈالر، پائونڈ اور پاسپورٹ لے گیا تھا۔

گرفتار چور بلال پوش علاقوں میں اب تک اربوں روپے کی چوریاں کر چکا ہے۔ نقب زنی کی وارداتیں کرنے والا ملزم 15 برس میں پہلی بار گرفتار ہوا ہے۔ملزم ماڈل ٹائون، ڈیفنس کے بنگلوں اور کوٹھیوں میں نقب زنی کی وارداتیں کرتا تھا جس کیخلاف مختلف تھانوں میں درجنوں مقدمات درج ہیں، ملزم کو گزشتہ ماہ گرفتار کیا گیا تھا۔