اسلام آباد(نیوز ڈیسک)پنجاب گروپ آف کالجز (پی جی سی) کے باہر ایک پولیس اہلکار کی جانب سے طالبات کو دھمکانے کی ویڈیو منظرعام پر آ گئی۔ تفصیلات کے مطابق لاہور کے پی جی سی کیمپس 10 میں دو روز قبل ایک طالبہ کو مبینہ طور پر سیکیورٹی گارڈ نے زیادتی کا نشانہ بنایا، جس کے بعد طلبہ نے احتجاج شروع کیا۔ احتجاج کے دوران پولیس نے طلبہ پر تشدد کیا۔

ایک ویڈیو میں دیکھا جا سکتا ہے کہ ایک پولیس اہلکار احتجاج کرنے والی طالبات کو ڈرا رہا ہے، اور کہا جا رہا ہے کہ یہاں طالبات موجود ہیں، کہیں دوبارہ ایسا کوئی واقعہ پیش نہ آ جائے۔پولیس اہلکار نے مزید کہا، “میری بات سنیں، جو طلبہ پڑھنا چاہتے ہیں وہ اندر چلے جائیں”، جس پر احتجاجی طلبہ نے جواب دیا کہ “کوئی نہیں پڑھنا چاہتا”۔پولیس اہلکار نے طلبہ کو گیٹ کی طرف اشارہ کرتے ہوئے کہا، “دیکھیں، گیٹ کھلا ہے، یہاں طالبات موجود ہیں، کوئی نیا واقعہ نہ ہو جائے”۔