کراچی(این این آئی)پی آئی اے کے طیاروں میں فنی خرابیاں معمول بن گیا، انجینئرنگ کے شعبے میں نہ ڈھنگ سے کام ہورہا ہے اور نہ پرزے خریدے جارہے ہیں، مرمت نہ ہونے سے 50 فیصد سے زیادہ طیارے گرائونڈ ہیں۔تفصیلات کے مطابق شعبہ انجینئرنگ کی عدم توجہ کے باعث قومی ایئرلائن کا فلائٹ آپریشن بری طرح متاثر ہے ، روزانہ کی بنیادوں پر طیاروں میں خرابی آنے کے واقعات معمول بن گئے۔

جس سے مسافروں کو کرنا پڑا اذیت کا سامنا ہے، ذرائع نے بتایا کہ ایئرلائن کے 19 بوئنگ 777 طیاروں میں صرف 5 طیارے اڑان بھر رہے ہیں جبکہ طیاروں کی بروقت مینٹننس نہ ہونے کی وجہ سے گرائونڈ ہیں اور ایئر بس 320 کے 17 جہازوں میں سے صرف 9 طیارے آپریٹ ہورہے ہیں۔ذرائع کے مطابق قومی ایئرلائن کی مبینہ نجکاری کے باعث انجینئرنگ کا شعبہ طیاروں کی مینٹننس پر توجہ نہیں دے رہا ہے، نہ ہی پرزہ جات کی خریداری کے لیے پلاننگ کی گئی۔