خیرپور(این این آئی)سول اسپتال کے مردہ خانے کا کولنگ سسٹم خراب ہونے کے سبب لاشوں میں کیڑے پر گئے۔واقعہ خیرپور کے سول اسپتال میں پیش آیا ،جہاں سول اسپتال کے مردہ خانے میں کولنگ سسٹم خراب ہونے کی وجہ سے سرد خانے میں پڑی لاشوں میں کیڑے پڑگئے اور لاشیں گل سڑ گئی۔اسپتال انتظامیہ لاشوں کے گلنے سڑنے سے بے خبر نکلی لوگوں کی شکایت پر سرد خانہ کھولا گیا تو تعفن پھیل گیا۔
جس کے بعد اسکاٹ عملے کو اطلاع دی اسکاٹ عملہ پہنچ کر سرد خانہ کھول کر لاشوں کی دیکھ بھال کی۔اسکاٹ انچارج خالد جانوری کے مطابق ہمیں یہاں سے گزرنے والے لوگوں نے بتایا کہ مردہ خانے سے بدبو آرہی ہے، ہم نے سرد خانہ کھلوایا تو کولنگ سسٹم خراب ہونے کی وجہ سے لاشوں میں کیڑے پڑگئے تھے اور لاشیں گل سڑ گئی تھیں۔انھوں نے بتایا کہ ہم نے ایسی اطلاع اسپتال انتظامیہ کو دی لیکن انتظامیہ نے سستی کا مظاہرہ کیا اور ہمیں ماسک تک نہیں دیا گیا کہ لاشوں کی صفائی کی جاسکے۔
