راولپنڈی (این این آئی)پاکستان تحریک انصاف کے رہنما علی محمد خان نے کہا ہے کہ آئین کی حکمرانی ہو گی تو بانی پی ٹی آئی جیل سے باہر آئیں گے۔میڈیا سے گفتگو کرتے ہوئے علی محمد خان نے کہا کہ آئین کی حکمرانی ہو گی تو سب کے لیے قانون برابر ہو گا۔انہوں نے کہا کہ پی ٹی آئی کا صوابی کا جلسہ تاریخی تھا، کل کے پی، پنجاب، جی بی اور سندھ سے قافلے جلسے میں شرکت کیلئے نکل چکے۔

علی محمد خان نے کہا کہ تحریک انصاف کا (آج) اتوارکا جلسہ پْرامن ہو گا، پْرامن رہنا ہے، کسی کے اشتعال میں نہیں آنا۔پی ٹی آئی کے رہنما نے کہا کہ ملک کے دفاع کی خاطر ہمارا ہر ووٹر اور سپورٹر فرنٹ لائن کا سپاہی ہے، فوج کے ساتھ کھڑا ہے، ہمارا سیاسی اختلاف اصولی ہے۔انہوںنے کہاکہ سیاست میں اداروں کی مداخلت نہیں ہونی چاہیے، عام انتخابات میں ڈاکا ڈالا گیا، ہمارا مینڈیٹ واپس کیا جائے، 8 فروری کو ملک کے بچوں کے مستقبل پر ڈاکا ڈالا گیا ہے۔