لاہور( این این آئی) من پسند نمبروں کی پلیٹس کوکیٹگریز کو حتمی شکل دے دی گئی۔ذات برادری،سیاسی پارٹیوں اورسیاسی شخصیات کے ناموں کی پلیٹس نیلامی میں شامل نہیں کی جائیں گی۔من پسند نمبر 3کیٹگریز میں جاری ہونگے ، 5لاکھ سے 50 لاکھ قیمت مقرر کرنے کی سمری منظوری کے لئے بھجوا دی گئی۔اپنے نام و نمبرز سے نمبر پلیٹس پندرہ روز تک نیلامی میں رکھی جائیں گی۔

صوبہ بھر میں وینٹی پلیٹس کو3 کیٹگریزپلاٹینم،گولڈ اور کارپوریٹ میں تقسیم کیا گیا ہے۔پلاٹینم کیٹگری میں 8 الفاظ و نمبر پر مشتمل پلیٹس کا اجراء ہوگا۔پلاٹینم کیٹگری کی بنیادی قیمت پچاس لاکھ روپے رکھی جائے گی ۔۔گولڈ کیٹگری 3الفاظ اور 3نمبرز پر مشتمل ہوگی،گولڈ کیٹگری میں پانچ لاکھ روپے بنیادی قیمت رکھی جائے گی۔کارپوریٹ کیٹگری میں کمپنیز 1کروڑ روپے سے اپنی رجسٹریشن کرائیں گی،کارپوریٹ کیٹگری میں رجسٹریشن کے بعدلوگو والی پلیٹ پرعام نمبر5لاکھ جبکہ من پسند نمبر10لاکھ میں جاری کیا جائے گا۔