اسلام آبا د(این این آئی)پاکستان تحریکِ انصاف کے رہنما شیر افضل مروت کا کہنا ہے کہ فواد چوہدری اس روز پولیس کو دیکھ کر ایسیبھاگ رہے تھے جیسے ہتھنی بھاگ رہی ہو۔میڈیا سے گفتگو میں پاکستان تحریکِ انصاف کے رہنما شیر افضل مروت نے کہا کہ فواد چوہدری کا حق نہیں بنتا کہ پی ٹی آئی کی موجودہ قیادت پر تنقید کریں۔
انہوں نے کہاکہ فواد چوہدری کے اس بھاگنے کے عمل نے پوری پی ٹی آئی کا سر شرم سے جھکا دیا تھا، فواد چوہدری کسی کو مشورے نہ دیں۔شیر افضل مروت نے کہا کہ پی ٹی آئی کی قیادت کتنی ہی فیل ہو، لیکن کم از کم کڑے وقت میں بانی پی ٹی آئی کے ساتھ کھڑی رہی۔پاکستان تحریکِ انصاف کے رہنما نے کہا کہ پی ٹی آئی کی موجودہ قیادت مشکل وقت میں فواد چوہدری کی طرح بھاگی نہیں۔
