سرگودہا(این این آئی) ایڈیشنل سیشن جج ملک نثار احمد نے شہر کے دو مقدمات قتل کا فیصلہ سناتے ہوئے بیوی اور بھتیجے کے قاتل کو دو بار سزائے موت اورمجموعی طور پر 16 لاکھ روپے معاوضہ کی سزاؤں کا حکم سنا دیا۔زرائع کے مطابق سرگودھا شہر کے علاقہ سٹیلائٹ ٹاؤن میں دو سال قبل 29 مارچ 2022 کو سیف اللہ نے غیرت کے نام پر اپنے بھتجے آصف اور اپنی بیوی آسیہ بی بی کو الگ الگ مقامات پر موت کے گھاٹ اتار دیا اور فرار ہو گیا

جس پر تھانہ سیٹلائیٹ ٹاؤن پولیس نے مقتولہ آسیہ بی بی کے بھائی عمر فاروق کی رپورٹ پر زیر دفعہ 22/302 اور311ت پ جبکہ مقتول آصف کے قتل پر 22،295،/ 296،22، ت پ الگ الگ مقدمات قتل درج کئے اور مقدمات قتل میں ملوث بیوی اور بھتجے کے قاتل ملزم کو آلہ قتل سمیت گرفتار کر کے جیل بجھوایا جہاں سے گزشتہ روز ملزم سیف اللہ کو پولیس کے کڑے پہرہ میں عدالت پیش کیا گیا تو فاضل عدالت کے جج ملک نثار احمد نے ملزم کے خلاف درج دونوں مقدمات قتل کا فیصلہ سناتے ہوئے ملزم سیف اللہ کو دونوں مقدمات میں الگ الگ سزائے موت اور آٹھ آٹھ لاکھ روپے معاوضہ کی سزاؤں کا حکم سنا دیا جس کیبعدملزم سیف اللہ کو پولیس نے سزا بھگتنے کے لیے واپس ڈسٹرکٹ جیل سرگودہا منتقل کر دیا۔